قالت بنت البدو ؟؟؟ ...

قالت ترى منت بحلو قلت رجال
والزين ماهو من شروط الرجوله

الزين يلقى عن لباست الشال
والرجل زين ان كان زانت فعوله

قالت علامك تلبس شماغ وعقال
انت بدوي؟؟قلت بدوي من حموله

ما البس بناطيل لها الوان واشكال
وامتر الشارع بعرضه وطوله

قالت اجل راعي معاميل ودلال
شرب القهاوي تحسبونه بطوله

قلت اسمعيني وافهمي كل الاقوال
تمعني في كل حرف اقوله

كيفي يابنت الحضر دله وفنجال
وحليب خلفه فالمراحه معقوله

حب الكرم والجود وعلوم الابطال
مغروس فينا من زمان الطفوله

قالت ترى؟؟بنت البدو حظها مال
قلت اعقبي حذرا تكوني جهوله

بنت البدو يابنت مضرب للامثال
غير الجمال وطاعة لله خجوله

زينه على كل المزايين تختال
مثل القمر ينشاف محدن يطوله

ماحطت اصباغ ولا حطت اضلال
ولاسيرت في السوق سير المهبوله

ما تنخدع في كل ماكر ومحتال
اللي لهم في السوق صوله وجوله

"تحمي شوفها خوفة القيل والقال"
درب الدنس والشين ماهي بحوله

هي مهره تصعب على كل خياااااال
حتى من نسام الهبايب جفوله



"""اتمنى ان تنال اعجابكم""

[email]ahmedvipvip@hotmail.com[/email]

صح لسانكـ

ويعطيكـ العافية

أخوكـ \ بلال

بلال

مشكووور اخوي وصح الله بدنك انشالله من كل شر

لاعدمتك انشالله

فارس مشكوووووور على المرور وصح بدنك انشالله

الله يعطيك العافية أخوي علي الموضوع الروعة
مشكور جداُ لاعدمناك أبداُ
تحياتي لك

محبوبه يامي

الله يعافيك ومشكوووره على المرور وصح بدنك يالغالية لكي ودي وكل احترامي